Андроид-те қосымшаларды қалай дұрыс орнату керек
Біз қосымшаларды әзірлеушілер жасайтынын және Google Play немесе Galaxy Store арнайы каталогына қосатынын білеміз.
Орнату үшін қосымшаны іздеу немесе санаттар арқылы тауып, таңдап, «Орнату» батырмасын бассаңыз болды. Ең қиын нәрсе –таңдау: мысалы, сізге қол шам қажет, ал каталогта олардың бірнеше ондаған түрі бар. Қайсысын орнатқан дұрыс?
Қосымшаларды қалай таңдау керек
Ең алдымен, бірнеше қосымшаны зерттеп, мыналарды салыстырыңыз:
- сипаттамасы (қосымшаның функциялары, тілі қандай);
- олар қанша рет жүктеліп алынған;
- олардың қандай бағалары бар;
- басқа пайдаланушылар қандай пікірлер жазады.
Жүктеп алулар саны, бағалар және қосымшаның сипаттамасы
Қосымшаға пікірлер
Жүктеп алулар неғұрлым көп және баға жоғары болса, пайдалану кезінде проблемалардың туындау мүмкіндігі соғұрлым аз болады.
Қосымшада «Редакция таңдауы» және «Үздік әзірлеуші» марапаттары болса, бұл қосымша артықшылық.
Жүктеп алу саны аз, бағалары төмен және орыс тіліндегі сипаттамасы сауатсыз қосымшаларды таңдамаған жөн – олардың сапасы төмен болуы әбден мүмкін.
Ескертпе:
Жақсы аударманың болуы, жүктеп алулар мен оң пікірлердің көп болуы қосымшаның жоғары сапасына кепілдік бермейді. Бұл бастапқы таңдаудың критерийлері ғана. Сондай-ақ, каталогтағы ең танымал қосымша сізге жарамай, ал ешкім жүктеп алмайтын қосымша сізге көбірек ұнауы мүмкін.
Бағаны, сипаттаманы және шолуларды зерттегеннен кейін сұралған рұқсаттар тізімін тексеріңіз.
Рұқсаттар не үшін қажет
Рұқсаттар –орнатылғаннан кейін қосымша орындай алатын әрекеттер.
Мысалы:
|
Не жазылған |
Бұл нені білдіреді |
|---|---|
|
Қаржы туралы ақпарат |
Бұл қосымшаның кейбір функциялары ақылы, балаларға онымен ойнауға рұқсат бермеген дұрыс |
|
Локация |
Қосымша құрылғының координаталарын кез келген уақытта, тіпті ол пайдаланылмаған кезде де анықтай алады |
|
Файлдар мен құжаттар |
Қосымша құрылғыңыздағы фотосуреттер мен басқа файлдарды кез келген уақытта, тіпті пайдаланылмаған кезде де аша, өңдей, қоса және пайдалана алады |
|
Фотосуретер мен бейнелер |
Қосымша кез келген уақытта, тіпті пайдаланылмаған кезде де фото және бейне түсіре алады |
|
Аудио |
Қосымша қоршаған дыбыстарды кез келген уақытта, тіпті пайдаланылмаған кезде де жаза алады |
|
Wi-Fi қосылымы туралы мәліметтер |
Қосымша құрылғының қай желіге қосылғанын кез келген уақытта, тіпті ол пайдаланылмаған кезде де тексере алады |
|
Хабарлар |
Қосымша кез келген уақытта, тіпті ол пайдаланылмаған кезде де барлық смс-терді оқи алады және оларды шексіз мөлшерде жібере алады |
|
Телефон |
Қосымша қоңыраулар журналын көре алады және кез келген уақытта, тіпті ол пайдаланылмаған кезде де кез келген нөмірлерге қоңырау шала алады |
Рұқсаттардың көбісі сіздің дербес деректеріңізге, файлдарыңызға және төлем ақпаратыңызға рұқсат береді. Сондықтан, сұралған рұқсаттардың тізімін мұқият қарап шығыңыз, әзірлеушілерге сенетініңізді және осы әрекеттерге рұқсат беруге дайын екеніңізді бағалаңыз.
Көбінесе әзірлеушілер артық рұқсатты сұрайды.
Мысалы, калькулятор жұмыс істеуі үшін ешқандай рұқсат қажет емес. Бірақ оң жақтағы қосымша қаржылық ақпаратқа, фотосуреттерге қол жеткізуді сұрайды және жеке ақпаратты жинайды.
Стандартты қосымша
Күдікті қосымша
Ешқандай рұқсат сұрамайтын қосымшаларды орнату мүмкін емес. Адал ниетті әзірлеушілер қосымшаны пайдалану ыңғайлы болсын деп құрылғыңыздағы әртүрлі әрекеттерге рұқсат сұрайды. Бірақ сақ болу үшін қосымша қандай рұқсаттарды сұрайтынын мұқият зерттеп, олардың не үшін қажет екенін түсінуіңіз керек.
Мысалы, жазбалар қосымшасы бұлт аккаунтымен синхрондалу үшін интернетке кіруді қажет етуі мүмкін, ал қол шам құрылғының бергіштеріне кіруді қажет етеді, себебі ол компас ретінде де жұмыс істейді.
Оған файлдар мен интернетке кіру рұқсаты берілгендіктен, Хабарламалар жіберуге немесе қоңырау шалуға рұқсат алған қарапайым қосымша да сізге білдірмей-ақ баланстан ақшаны шығынға жазуы немесе дербес деректеріңізді үшінші тұлғаларға беруі мүмкін.
Әзірлеуші қосымша сипаттамасында рұқсаттар тізімін көрсетіп, олардың не үшін қажет екенін түсіндіргені – жақсы қадам.
- Орнату алдында қосымшаның сипаттамасын, пікірлерді және рұқсаттарын мұқият оқып шығыңыз.
- Сипаттамадан қосымшаның функциялары туралы біліп, оған қандай рұқсаттар және не үшін қажет екенін түсінуге болады.
- Қосымшаға неғұрлым көп рұқсат мақұлдасаңыз, ол соғұрлым жиі құрылғыны «оятып» тұрады – деректерді сұрайды және өңдейді, батарея зарядын жұмсайды.
- Қолайлы қосымшаны бірден табу қиын болуы мүмкін. Ең жақсысын таңдау үшін бірнешесін орнатуға тура келеді, ал қалғандарын алып тастау керек.
Орнатылған қосымшалардың рұқсаттарын қалай көруге болады
1. Параметрлер ашыңыз. Қолданбалар тармағын табыңыз.
2. Рұқсаттарын көргіңіз келетін қосымшаны табыңыз.
3. Рұқсаттар батырмасын басыңыз.
4. Осы қосымшаға арналған барлық рұқсаттар тізімі пайда болады.
Ескертпе:
Батырма жоқ болса, экранды төмен айналдырыңыз, рұқсаттар тізімі сол жерде болады.
Пікіріңіз үшін алғыс білдіреміз!
Барлық сұрақтарға жауаптар