Samsung Galaxy-де камерадағы автофокус жұмыс істемесе не істеу керек

Соңғы жаңартулардың күні : 28.06.2024

Автофокус смартфоныңыздың камера объективінің фото түсіру нысанына автоматты түрде фокустауын қамтамасыз етеді: олар біреу немесе бірнеше болуы мүмкін.

Автофокусты қалай тексеруге болады

Қарама-қарсы нысанды ашық фонда камераға/камерадан жақындатыңыз немесе алыстатыңыз.

  • Автофокус жұмыс істеп тұрса, кескіннің анығырақ болғанын көресіз.
  • Автофокус бейнедегідей жұмыс істемесе, төмендегі ұсынымдарды тексеріңіз.

Ескертпе:

Автофокус жылдамдығы әртүрлі үлгілерде өзгеше болады. Құрылғы фокусталуға үлгеруі үшін нысанды ұзағырақ жылжытпауға тырысыңыз.

Автофокус жұмыс істемесе не істеу керек

1 Камера автофокусты қолдайтынына көз жеткізіңіз.

Автофокус сатып алғаннан бері жұмыс істемесе, смартфонның камерасы автофокусты қолдамауы мүмкін. Мұны, мысалы, онлайн-чатта нақтылауға болады:

Қолдауы бар онлайн-чатты ашыңыз
2 Фото түсіру жағдайларын және камераның тазалығын тексеріңіз.
  • Фото түсірген кезде қараңғы/ымырт/жарық нашар болса, камераның жұмысын күндізгі жарық сияқты басқа жағдайларда тексеріңіз. 

  • Фокусталуды басқа нысанда тексеріп көріңіз. Егер сіз бір түсті нысанды (суреті жоқ) түсірген болсаңыз, қайшылық жеткіліксіз болғандықтан фокусталу дәл болмауы мүмкін.

  • Камера әйнегін таза шүберекпен сүртіңіз. Егер ол лас болса, фотосуреттер бұлыңғыр болады немесе нысандар фокустан тыс болады. Автофокус жұмысын қайта тексеріңіз.
3 фото түсіру нысанынан камераға дейінгі қашықтықты тексеріңіз.

Жақын қашықтықтан – негізгі камера үшін 10-20 см кем және телефото камерасы үшін 30-40 см кем – фото түсірсеңіз (үлгіге байланысты өзгеше болуы мүмкін), автофокус жұмыс істемеуі мүмкін. Қашықтықты арттырып, қайтадан фото түсіріңіз.

Егер камерада макрообъектив болса, оны жақын қашықтықтан түсіру кезінде пайдаланыңыз.

4 Камераны қапсыз және керек-жарақтарсыз жұмыс істейтінін тексеріңіз.

Егер сіз магниті бар қапты немесе автомобиль ұстағышын пайдалансаңыз, камераның қапсыз жұмыс істеуін тексеріңіз. Кейбір жағдайларда қап қақпағындағы магнит камераның фокусталуына кедергі келтіруі мүмкін.

5 «Камера» қосымшасы жаңартуларының бар-жоғын тексеріңіз.

1-қадам: «Камера» қосымшасын ашыңыз.

2-қадам: «Баптауларды» ашыңыз (тегершік белгішесі)

3-қадам: «Камера» қосымшасы туралы тармағын таңдаңыз

4-қадам: Қосымшаның жаңа нұсқасы қолжетімді болса, оны орнату үшін «Жаңарту» батырмасын басыңыз.

6 «Камера» қосымшасының деректерін тазалаңыз.
7 Телефон баптауларын арылтуды орындаңыз.
Баптауларды арылту телефонның жадын тазалау және қателерді жою үшін қажет. Арылту кезінде телефон бастапқы күйіне оралып, барлық ақпарат жойылатындықтан, маңызды деректердің сақтық көшірмесін алдын ала жасаңыз.
8 Баптауларды арылтудан кейін автофокус жұмысын тексеріңіз.

Деректерді арылту көмектеспесе, диагностика және жөндеу үшін Samsung тіркелген қызмет көрсету орталығына хабарласыңыз.

ЖАҚЫН ЖЕРДЕГІ ҚЫЗМЕТ КӨРСЕТУ ОРТАЛЫҒЫН ТАБУ

Байланысты сұрақтар

Пікіріңіз үшін алғыс білдіреміз!