Интернет-ресурсы арқылы SAMSUNG тауар белгісіндегі тауар сатылымдарын жылжыту және бөлшек сатылымдарды арттыру үшін,

«SAMSUNG ELECTRONICS CENTRAL EURASIA» (САМСУНГ ЭЛЕКТРОНИКС ОРТАЛЫҚ ЕВРАЗИЯ) ЖШС (бұдан әрі - «Samsung»),

осымен Пайдаланушы келісімінің шарттарын ұсынады:

«Интернет-ресурсы» Samsung (EPP) корпоративтік бейілділік бағдарламасының Серіктестері үшін Samsung арнайы әзірлеген сайтты білдіреді, ол Samsung, Тауарлар мен Қызметтер, жарнамалық акциялар туралы ақпаратты және басқа да (мәтін, кестелер, дыбыс-бейне және басқа да түрде) Samsung ақпаратын қамтиды, https://www.samsung.com/ (доменнің барлық деңгейлері кіретін) адресі бойынша орналасқан, Интернетте қызмет жасайды.

«Samsung (EPP) корпоративтік бейілділік бағдарламасы» Интернет-ресурсы арқылы SAMSUNG тауар белгісіндегі тауар сатылымдарын және/немесе бөлшек сатылымдарды жылжыту үшін, осындай бағдарламаға қосылу туралы Өтініш беру арқылы қосылған ұйымдар қызметкерлеріне арнап, соның ішінде жеңілдіктер беру, жарнамалық акциялар, ұтыс ойындар және сатылымдарды ынталандырудың өзге де шараларын ұсыну арқылы Samsung қолданған шаралар кешенін білдіреді.

«Лимит» Samsung бір қызметкерге белгілейтін шектеуді білдіреді, оның шеңберінде Қызметкер Samsung (EPP) корпоративтік бейілділік бағдарламасының арнайы шарттарын пайдалануға құқықылы. Мұндай лимиттер Қызметкер өз құқықтарын теріс пайдалануына жол бермеу үшін белгіленеді, олар, мысалы, жылына сатып алуды сомасын, ұқсас Тауарлар санын шектеуде, т.б. білінуі мүмкін.

«Серіктес» Samsung-пен Samsung (EPP) корпоративтік бейілділік бағдарламасына қосылу туралы пайдаланушы келісімін жасасқан заңды тұлғаны білдіреді. Осы келісімнің мақсаттары үшін қатысушылар-серіктестер деп әлеуетті Серіктестер бола алатын немесе Samsung-пен осындай келісім жасасқан және Серіктестер болып табылатын тұлғалар аталады.

«Дербес деректер» белгілі бір немесе олардың негізінде белгіленетін дербес деректер субъектісіне қатысты, Қазақстан Республикасының дербес деректерді қорғау туралы заңнамасына сәйкес, электрондық, қағаз және (немесе) өзге де материалдық тасымалдаушыда бекітілген мәліметтерді білдіреді.

«Қызметкер» Серіктеспен еңбек шартын жасасқан жеке тұлғаны, сол сияқты Серіктес Қызметкерінің еңбек міндеттерін орындап жүрген уақытша іссапарға жіберілген және жұмылдырылыған қызметкерлерді білдіреді.

«Авторлану» Samsung (EPP) корпоративтік бейілділік бағдарламасының Интернет-ресурсына Samsung Account арқылы Қызметкердің кіруін білдіреді.

«Samsung Account» немесе «Логин» означает Қызметкерге тиесілі электрондық пошта адресіне тіркелген, Samsung Electronics тауарлары мен қызметтерін пайдаланушыны сәйкестіндеру үшін Samsung Electronics қолданатын және оның бар болуы осындай тауарлар мен қызметтердің функционалына қол жеткізіп, толыққанды пайдалану үшін қажет бірегей есеп жазбасын білдіреді.

«Верификация» алғашқы Авторланудан кейін Қызметкердің корпоративтік электрондық поштасының адресін енгізу немесе Серіктес берген және ұсынған Қызметкердің нөмірі негізінде Samsung беретін Қызметкердің бірегей кодын енгізу арқылы Қызметкердің мәртебесін растауды білдіреді.

«Тауарлар» Samsung Интернет-ресурсы арқылы сататын SAMSUNG тауар белгісіндегі тауарларды білдіреді. Сондай-ақ, егер келісім мәтіні бойынша шарттар Тауарларға да, Қызметтерге де бірдей қолдануға жарамды болса, Тауарлар мен Қызметтер бірге Тауарлар деп атала алады,

«Қызметтер» Samsung көрсететін, соның ішінде Интернет-ресурсында «Samsung қызметтері» деп көрсетілген қосалқы мердігерлер күшімен көрсетілетін Қызметтерді білдіреді. Қызметтер болып табылмайды деп жеке сілтемемен белгіленген және үшінші тұлғалар көрсететін барлық өзге де қызметтер Интернет-ресурсында тұтынушыларға мәлімет үшін беріліп, қолайлы болсын деп келтіріледі, Пайдаланушы келісімінің шарттары төменде белгіленген және Серіктес оларды жалпы Пайдаланушы келісіміне қосылу туралы өтінішке қол қою арқылы ғана қабылдай алады (бұдан әрі – «Қосылу туралы өтініш»). Қосылу туралы өтініш пен Пайдаланушы келісімі бірыңғай құжат ретінде қарастырылады. Серіктес, Верификация тәсілдері туралы мәліметтер Қосылу туралы өтініште көрсетіледі. Қосылу туралы өтініштің үлгісі осы Пайдаланушы келісімінің № 1 Қосымшасында келтірілген.

1. Samsung (EPP) корпоративтік бейілділік бағдарламасының сипаттамасы

1.1. Samsung Samsung (EPP) корпоративтік бейілділік бағдарламасының аясында Серіктестің Қызметкерлеріне Интернет-ресурсында сатылатын Samsung Тауарларына арнайы шарттарды Samsung белгілеген ереже бойынша ұсынады.

1.2. Серіктес 4.1 тш. көрсетілген қажетті құжаттар жиынын ұсынып, Samsung-тан Samsung (EPP) корпоративтік бейілділік бағдарламасының Интернет-ресурсы толыққанды қызмет жасауы үшін қажетті баптау орындалғаны туралы ақпаратты алған соң Samsung (EPP) корпоративтік бейілділік бағдарламасының қатысушысы болады.

Серіктес болуға ниеттенген ұйым Samsung Комплаенс бөлімінің алдын ала тексеруінен өтуі тиіс.

1.3. Samsung (EPP) корпоративтік бейілділік бағдарламасының арнайы шарттарын пайдалану үшін, Серіктестің Қызметкерінің Интернет-ресурсында Авторлануы және Верификация процедурасынан өтуі қажет. Верификациядан өтпеген Қызметкерлер Samsung (EPP) корпоративтік бейілділік бағдарламасы бойынша арнайы шарттармен пайдалана алмайды.

1.4. Samsung өзінің қалауы бойынша Samsung (EPP) корпоративтік бейілділік бағдарламасы бойынша Тауарларға арнайы шарттарды белгілейді, өзгертеді және жоққа шығарады, соның ішінде жарнамалық акцияларды, жеңілдіктер мөлшерін, Тауарлардың бағасын және түржинағын, Серіктестің Қызметкерлері үшін оларды сатып алуға Лимиттерді (квоталарды) белгілейді. Арнайы шарттар туралы ақпарат Интернет-ресурсында әрдайым қол жетімді болып тұрады.

Samsung Samsung (EPP) корпоративтік бейілділік бағдарламасы бойынша арнайы шарттар: (1) барлық қатысушы-серіктестердің барлық Қызметкерлеріне бірдей ұысынылады, (2) ешқандай шарттар қайсы бір жеке Қызметкерлерге немесе жеке Серіктестің Қызметкерлеріне жеке-жеке ұсынылмайды; (3) арнайы шарттар жеңілдіктермен немесе Samsung-тің басқа да интернет-ресурстарындағы бөлшек сатылымдарды ынталандырудың өзге де шараларымен жинақталмайды деп растайды.

1.5. Күмәнді болдырмау үшін Тараптар Қызметкерлердің кез келген Samsung Тауарларын сатып алуы, сондай-ақ тауарларға/жұмыстарға/қызметтерге кез келген тапсырыстардың орындалуы Samsung пен Қызметкер арасында жасалатын жеке сатып алу-сату шарттары шеңберінде жүзеге асырылады деп растайды. Серіктеске мұндай шарттар туралы ақпарат берілмейді, және Серіктес Samsung алдында өз Қызметкерлері үшін жауапты болмайды.

1.6. Тараптар осы Келісім шеңберінде Серіктес Тауарларды жылжытумен және сатумен айналыспайтынына, Тауарларды Қызметкерлерге сату кезінде делдал болып шықпайтынына және Samsung мүддесінде қандай да бір түрде әрекет етпейтініне сүйенеді.

2. АЙРЫҚШАЛЫҚСЫЗДЫҚ

2.1. Samsung (EPP) корпоративтік бейілділік бағдарламасы қатысушылар-серіктестердің көптігіне беріледі, сондықтан айрықшалық жоқ шарттарында ұсынылады.

2.2. Ұйымдардың бағдарламаға қатысу өтініштері мұндай қатысу ұйымның өз корпоративтік құжаттарына қайшы келген, Samsung Комплаенс бөлімі теріс қорытынды берген немесе Қазақстан Республикасының қолданыстағы заңнамасымен тыйым салынған жағдайларда ғана қабылданбау мүмкін.

3. МЕРЗІМДЕР

3.1. Серіктес Samsung (EPP) корпоративтік бейілділік бағдарламасының барлық әрекет ету мерзімінде Серіктес болып есептеледі.

3.2. Мұндай бағдарламаның күші жойылған жағдайда хабарлама Интернет-ресурсында орналастырылады. Сол хабарламада көрсетілген күннен бастап Интернет-ресурсына қол жеткізу барлық Қызметкерлер үшін бір уақытта тоқтатылатын болады.

4. СЕРІКТЕС:

4.1. Корпоративтік бейілділік бағдарламасына қатысу үшін Серіктес Samsung-ке ұсынатыны:

- қол қойылған бекітілген үлгідегі Пайдаланушы келісіміне Қосылу туралы өтініш,

- құрылтай құжаттарының көшірмелері, сондай-ақ Серіктестің бенефициарлық иелерін – жеке тұлғаларды анықтауға мүмкіндік беретін құжаттардың көшірмелері, мұндай тұлғалардың және атқарушы органның төлқұжаттарының көшірмелері (Samsung Комплаенс бөлімі тексеруі үшін),

- Қосылу туралы өтініште көрсетілген өзге де құжаттарды немесе мәліметтер.

4.2. Қызметкерлерді Интернет-ресурсын және осы Пайдаланушы келісімін Жұмыскерлердің пайдалану шарттары туралы хабардар болуын қамтамасыз етеді.

4.3. Осы Пайдаланушы келісімінің мақсаттары үшін Қызметкерлердің дербес деректерін жинау мен өңдеуге келісім жинайды.

4.4. Samsung-тің жазбаша келісімісіз SAMSUNG фирмалық атауын, тауарлық белгісін (қызмет көрсету белгісін) және логотипін, соның ішінде Серіктестің қандай да болсын тауарларына, жұмыстарына немесе қызметтеріне қатысты жарнамалық және басқа да маркетингтік іс-шараларын өткізу кезінде пайдаланбауға міндеттенеді.

4.5. Қызметкерлерді Samsung (EPP) корпоративтік бейілділік бағдарламасы, Қызметкерлерге арналған қатысу ережесі туралы Серіктестің корпоративтік байланыс көздері - таратып жөнелту, хабарламалар тақтасы, Интранет, т.б. - арқылы ақпараттандыруды жүзеге асырады.

4.6. Қызметкерлер тізімін және Авторлану деректерін өзектілендіру үшін жауапты Қызметкерді тағайындайды.

4.7. Samsung Samsung (EPP) корпоративтік бейілділік бағдарламасына қатысу үшін Серіктестің Қызметкері ретінде Қызметкерді қосудың дұрыстығын, сондай-ақ Қызметкер 5-бап талаптарын орындағанын тексеру құқығын атқарған жағдайда, Серіктес Қызметкерлердің келісімін алдын ала сұрастыруға және осындай ақпаратты Samsung-ке Пайдаланушы келісімі әрекет ететін мезгіл ішінде де, ол тоқтатылғаннан кейін 3 жыл ішінде де беріп тұруға міндеттенеді.

5. ҚЫЗМЕТКЕР

5.1. Интернет-ресурсында авторланып, Қызметкер келесіге келісім береді және міндеттенеді:

5.1.1 Тауарларды тек қана жеке, отбасылық және басқа да осындай кәсіпкерлік қызметке қатысты емес мақсатпен пайдалану үшін сатып алуға;

5.1.2. Авторлану, Интернет-ресурсын пайдалану, жеңілдіктер мөлшері шарттарын және Қызметкерлерге арналған ерекше шарттарды, Қызметкер емес адамдар үшін құндылығы бар басқа да ақпаратты жарияламауға;

5.1.3. Тауарларды үшінші тұлғаларға сату мақсатында сатып алмауға.

5.2. Интернет-ресурсына қол жеткізумен бірге Samsung (EPP) корпоративтік бейілділік бағдарламасының барлық артықшылықтарына ие болады, мұнда Samsung Тауарларын сатып алу немесе Қызметтеріне тапсырыс беру Интернет-ресурсында көрсетілген Ереже шеңберінде жүзеге асырылады.

5.3. Осы Пайдаланушы келісімінің мақсаттары үшін Қызметкер тұтынушы, ал Samsung сатушы болып табылады.

5.4. Samsung Samsung (EPP) корпоративтік бейілділік бағдарламасына қатысу үшін Серіктестің Қызметкері ретінде Қызметкерді қосудың дұрыстығын, сондай-ақ Қызметкер осы 5-бап талаптарын орындағанын тексеру құқығын атқарған жағдайда, Қызметкер Серіктестің Samsung-ке ақпарат беруіне рұқсат береді.

6. SAMSUNG

6.1. Осымен Samsung Samsung (EPP) корпоративтік бейілділік бағдарламасының ұйымдастырушысы ретінде:

6.1.1. Интернет-ресурсының жұмысын ұйымдастырады, арнайы шарттар контентін толтырады, Қызметкерлерді Ережемен таныстырады, Қызметкерлермен Тауарларды сатып алу-сату шарттарын жасасады және Интернет-ресурсындағы Ереже шарттарына сәйкес Қызметкер үшін Тауарлар сатушы / Қызметтер жеткізуші болып табылады;

6.1.2. Барлық Серіктестердің барлық Қызметкерлері үшін бірдей арнайы шарттарға кепіл береді;

6.1.3. Тұтынушылар құқығын және дербес деректерді қорғау туралы заңнаманың сақталуын қамтамасыз етеді;

6.1.4. Қызметкерлер алдында дербес деректер, ұсынылған арнайы шарттар, сондай-ақ олар бойынша сатып алынған Тауарлар/Қызметтер жөнінде өз бетінше жауапты болады, соның ішінде Тауар өндірушісі атынан сапа бойынша шағымдар қабылдайды;

6.1.5. Серіктесті тұтынушының кез келген шағымдарынан, Пайдаланушы келісімі, Қызметкер Samsung (EPP) корпоративтік бейілділік бағдарламасына Серіктестің қатысуын пайдаланып сатып алған Тауарлар/Қызметтер, арнайы шарттар ұсыну шеңберінде алынған дербес деректерге қатысты Қызметкерлерден қорғайды.

6.1.6. Пайдаланушы келісімінің мерзімі ішінде де, ол тоқтатылған күннен бастап 3 жыл ішінде де Пайдаланушы келісімі орындалуына қатысты ақпаратты талап етіп, алуға құқығы бар.

6.1.7. Кез келген уақытта Қызметкерді қайтадан Верификациялаудан өткізуге құқығы бар.

6.1.8. Samsung (EPP) корпоративтік бейілділік бағдарламасының Интернет-ресурсына Қызметкердің қол жеткізілуін кез келген уақытта себебін түсіндірместен шектеуге құқығы бар.

7. ДЕРБЕС ДЕРЕКТЕР

7.1. Осы келісімнің ережелерін орындау мақсатында Тараптар арасында Дербес деректерді тапсыру жүзеге асырыла алады.

7.2. Тараптар осы Келісім шеңберінде Дербес деректерді тапсыру Тараптармен өңдеу тапсырмасы ретінде қарастырылмайды деген келісімге келді. Тараптың әрқайсысы дербес деректердің тәуелсіз операторы болып шығады да, оның өңдеу мақсаттарын, өңдеуге жататын Дербес деректер құрамын, Дербес деректермен жасалатын әрекеттерді (операцияларды) белгілейді. Мұнда, егер басқасы қолданыстағы заңнамада немесе осы Пайдаланушы келісімінің ережелерінде тікелей көзделмесе, Тараптың әрқайсысы өңделетін Дербес деректердің қауіпсіздігін өз бетінше қамтамасыз етеді және Дербес деректер субъектісі мен уәкілетті мемлекеттік органдар алдында жауапты болады.

7.3. Дербес деректерді тапсыру тәртібі:

7.3.1. Тапсыратын Тарап қабылдайтын Тарапқа Дербес деректерді тапсыруға (таратуға), соның ішінде трансшекаралық тапсыруға Дербес деректер субъектісінің келісімінің немесе өзге де құқықтық негізінің бар болуын қамтамасыз етеді. Мұнда осындай келісімде Дербес деректер субъектісінің өзінің дербес деректерін келесі тұлғаларға таратуға келісімі міндетті түрде болуы тиіс:

- «SAMSUNG ELECTRONICS CENTRAL EURASIA» (САМСУНГ ЭЛЕКТРОНИКС ОРТАЛЫҚ ЕВРАЗИЯ) ЖШС, осы Пайдаланушы келісімінің жасасу және орындау мақсатында;

- Samsung Electronics Co., Ltd.129, Samsung-ro, Yeongtong-gu, Suwon-si, Gyeonggi-do 16677, Корея Республикасы, Samsung Electronics тауарлары мен қызметтерін пайдаланушысын сәйкестіндеру, осындай тауарлар мен қызметтерге қол жеткізу және олардың функционалын толыққанды пайдалану мақсатында;

- «Cheil Kazakhstan» (Чейл Казахстан) ЖШС, жарнамалық, маркетингтік және жаңалықтар жөнелтуды жүзеге асыру мақсатында, сондай-ақ маркетингтік мақсатта өзге де тікелей байланыстарды жүзеге асыру мақсатында.

7.3.2. Қабылдаушы Тарап алынған Дербес деректердің құпиялылығын сақтау және қауіпсіздігін қамтамасыз ету бойынша міндеттемені өзіне алады;

7.3.3. Қабылдаушы Тарап тапсыратын Тараптың Дербек деректерінің субъектілерін олардың Дербес деректерін өңдеуді бастағаны туралы ақпараттандыру бойынша міндеттемелерді өзіне алмайды, өйткені мұндай ақпараттандыру міндеттемесін тапсыратын Тарап өзіне алады;

7.3.4. Тараптар электрондық пошта арнасы арқылы Дербес деректермен алмасудың іске жататындығы туралы келісімге келді. Мұнда, тапсырылатын деректердің қауіпсіздігін қамтамасыз ету мақсатында Тараптар келесі шаралар жөнінде келісті:

- Дербес деректермен алмасу кезінде Тараптар Қосылу туралы өтініште көрсетілгендей, @samsung.com және Серіктестің домендеріндегі электрондық поштаның корпоративтік (жұмыс) адрестерін ғана пайдалана алады;

- әрбір Тараптың пошталық серверлері V1.2 төмен емес нұсқалы TLS көліктік деңгейін қорғау хаттамасын қолдайды.

8. СЫБАЙЛАС ЖЕМҚОРЛЫҚҚА ҚАРСЫ ЕСКЕРТПЕ

8.1. Әрбір Тарап осымен оның қызметкерлері, агенттері, өкілдері, қосалқы мердігерлері және олардың бақылауында немесе анықтаушы ықпалында болып тұрған басқа да үшінші тұлғалары қандай болсын ақшалай қаражат, сыйлықтар және/немесе заңсыз сыйақы тікелей немесе жанама бермейді, ұсынбайды немесе олар туралы уәде бермейді, немесе міндеттемелерді тиесілі емес орындауға көндіру немесе ынталандыру үшін және/немесе іскерлік мүмкіндіктерді алу немесе сақтау үшін жұртшылық пікірі мен жеке тұлғаларға қысым көрсетпейді және заңсыз ықпалын пайдаланбайды деген кепілдік береді.

8.2. Тараптар осы Пайдаланушы келісімінің барлық әрекет ету мерзімі ішінде және ол аяқталған соң төменде аталған ережелерді сақтауға міндеттенеді, сондай-ақ өз қызметкерлері, агенттері, өкілдері, қосалқы мердігерлері, қосалқы дистрибьюторлары және олардың бақылауында немесе анықтаушы ықпалында болып тұрған басқа да үшінші тұлғалары осы ережелерді сақтауын қамтамасыз ету үшін ойқонымды шаралар қолдануға міндеттенеді.

8.3. Тараптар халықаралық, ұлттық және жергілікті деңгейлерде мемлекеттік қызметкерлерге, саяси партияларға, партия қайраткерлеріне және мемлекеттік лауазымдарға орналасуға үміткерлерге қатысты, сондай-ақ Тараптың директорларына, басшыларына, лауазымды тұлғалары мен жұмыскерлеріне қатысты, бұл әрекеттер тікелей немесе жанама, соның ішінде үшінші тұлғалар арқылы жасалып жатқанына қарамастан, келесі әрекеттерді кез келген уақытта және кез келген түрде жүзеге асыруға тыйым салады:

Парақорлық – коммерциялық немесе басқа да сипаттағы, мысалы, Samsung-пен азаматтық-құқықтық мәмілелер жасасуға немесе азаматтық, не жеке қажеттіліктерді алуға қатысты, реттеуші органдардың рұқсаттарын алуға, салық салуға, кедендік рәсімдеуге, соттың істі қарауына немесе заң шығару процесіне қатысты заңнан тыс артықшылықты алу немесе сақтау мақсатында жоғарыда аталған тұлғалардың пайдасына, не олардың тарабынан мүліктік немесе басқа да сипаттағы кез келген заңнан тыс пайданы ұсыну, оған уәде беру, тапсыру, санкциялау немесе алу.

Парақорлыққа көбінесе келесілер кіреді:

- шарт бойынша төлемдердің бір бөлігін мемлекеттік қызметкерлерге, саяси қайраткерлерге немесе басқа Тараптың жұмыскерлеріне, олардың жақын туыстарына, достарына немесе іскерлік серіктестеріне беру («откат», яғни пара беру) немесе

- мемлекеттік қызметкерлерге, саяси қайраткерлерге немесе басқа Тараптың жұмыскерлеріне, олардың жақын туыстарына, достарына немесе іскерлік серіктестеріне төлемдер беру үшін агенттер, қосалқы мердігерлер, кеңесшілер және басқа да үшінші тұлғалар сияқты делдалдарды пайдалану.

- Бопсамен пара алу немесе Пара беруге бейімділік – бас тарту жағдайында қорқытуға қатысты да, қатысты емес те параны талап ету. Әрбір Тарап Бопсамен пара алу немесе Пара беруге бейімділік кез келген талпыныыстарға қарсылық көрсетуге міндеттенеді. Тараптарға осындай талпыныстар туралы бар ресми және бейресми арналар арқылы хабарлауға табанды түрде ұсынылады.

- Ықпалын пайдақорлықпен теріс пайдалану – осы әрекеттердің бастапқы бастамашысының немесе кез келген басқа да тұлғаның пайдасына заңнан тыс артықшылықты алу мақсатында мемлекеттік қызметкерге заңнан тыс нақты не болжалды ықпал ету үшін заңнан тыс пайданы ұсыну немесе оны алуға бейімділік.

- Жоғарыда атаған сыбайлас жемқорлық іс-тәжірибесінен табыстың ізін жасыру – егер мұндай мүлік қылмыстан арқылы алынған табыс болып тұрғаны белгілі боса, мүліктің қылмыстық шығу тегін, көзін, орналасқан жерін, иелік ету тәсілін, орнын аустыруын немесе тиістілігін жасыру немесе қымқыру;

- Параға жығу – мүлік немесе мүліктік сипаттағы қызметтер алу, халықаралық, ұлттық және жергілікті деңгейлерде мемлекеттік қызметкерлер, саяси партиялар, партия қайраткерлері және мемлекеттік лауазымдарға орналасуға үміткерлер тарабынан немесе оларға қатысты, сондай-ақ Тараптың директорлары, басшылары, лауазымды тұлғалары мен жұмыскерлері тарабынан немесе оларға қатысты жалпы жол берушілік / болысушылық көрсету;

- Коммерциялық параға жығу: коммерциялық немесе басқа да ұйымда басқару фукцияларына ие болып тұрған тұлғаға ақша, құнды қағаздар немесе өзге де мүлкін заңсыз беру, сол сияқты сол тұлға өз қызмет бабын пайдаланғаны үшін, сондай-ақ параға жығуды жасап тұрған тұлғаның мүддесіне қарай қызметі бойынша жалпы болысушылығы немесе жол берушілігі үшін оған мүліктік сипаттағы заңсыз қызметтер көрсету.

8.4. Тараптар олардың бақылауында немесе анықтаушы ықпалында болып тұрған үшінші тұлғаларға, соның ішінде агенттерге, бизнес дамыту жөніндегі кеңесшілерге, сауда өкілдері мен кедендік агенттерге, жалпы мәселелер жөніндегі кеңесшілерге, дистрибьюторларға, қосалқы мердігерлерге, франчайзиге, заңгерлерге, бухгалтерлерге және қай болсын Тараптың атынан әрекет ететін өнімді жылжыту немесе сатуға, мәмілелер жасау үшін келіссөздер жүргізуге, лицензиялар, рұқсатнамалар және өзге де рұқсат құжаттарын алуға байланысты немесе Тараптың мүддесінде қандай болсын әрекеттер жасауға байланысты ұқсас делдалдарға немесе жеткізулер тізбекшесіндегі қосалқы дистрибьюторлар, қосалқы мердігерлер ретінде әрекет ететіндерге қатысты келесі әрекеттер жасауға тиіс: оларға сыбайлас жемқорлық әрекеттерінің қабылдауға болмайтындығы және қандай болсын сыбайлас жемқорлық әрекеттерге қатысуға төзуге болмайтындығы туралы нұсқаулық беруге; оларды сыбайлас жемқорлық әрекеттерін жасау арналары ретінде пайдаланбауға; Тараптың әдеттегі ағымдағы қызметі барысында өндірістік қажеттілікпен негізделген шекарада ғана оларды жұмысқа тартуға; оларға көрсеткен заңды қызметтері үшін тиісті сыйақының мөлшерінен аспайтын төлемдер жасамауға.

8.6. Егер Тарап басқа Тараптың ақпаратын тексеруге деген көзделген құқығын (егер ол ұсынылған болса) іске асыру нәтижесінде немесе басқа да түрде осындай басқа Тарап осы баптың елеулі не бірнеше рет бұзуға жол берген туралы дәлелдер алса, Тарап тиісті түрде бұл туралы басқа Тарапқа хабарлайды да, одан бұзушылықтарды жою үшін қажетті шаралар қолданып, Тарапқа олар туралы хабарлауды талап етуге тиіс.

Басқа Тарап бұзушылықтарды жою үшін қажетті шаралар қабылдамаған немесе осындай шаралар қабылдауы мүмкін емес болған жағдайда Тарап наразылық білдіру ретінде ол бұзушылықтар дәлелдері пайда болған сәтте нақты жағдайларды есепке алумен әзірленген және сыбайлас жемқорлық фактілерін анықтауға, ұйымда іскерлік әдепті ережелерін сақтау мәдениетін алға бастыруға мүмкіндік беретін 2011 жылғы сыбайлас жемқорлықпен күресу жөніндегі ICC ережесінің 10-бабында аталған жеткілікті алдын ала сыбайлас жемқорлыққа қарсы шаралар қолданды деп сілтеуге құқылы.

Бұзушылықтарды жою жөнінде шаралар қолданбаған немесе (жағдайға байланысты) сендірерлік дәлел келтірілмеген жағдайда Samsung өз қалауы бойынша Пайдаланушы келісімінің әрекет етуін тоқтата тұруға немесе үзуге құқылы.

8.7. Сыбайлас жемқорлық ережелерінің қандай болсын бұзылу фактілері анықталған жағдайда, Samsung сыбайлас жемқорлыққа қарсы заңнаманың және ішкі корпоративтік ереженің бұзушылықтары саласындағы мәселелерді қарастыру үшін тікелей Compliance офицеріне sece.compl@samsung.com электрондық поштасы арқылы хабарласуды ұсынады. Бұл сұрау салу құпиялы болып табылады.

от нее принять необходимые меры для устранения нарушений и сообщить Стороне о них.

В случае непринятия другой Стороной необходимых мер для устранения нарушений или невозможности принятия подобных мер Сторона вправе ссылаться в качестве возражений на то, что к моменту появления доказательств нарушения(-ий) им были приняты достаточные превентивные антикоррупционные меры, указанные в статье 10 Правил ICC по борьбе с коррупцией 2011 года, разработанные с учётом конкретных обстоятельств и позволяющие выявлять факты коррупции и продвигать культуру соблюдения правил деловой этики в организации.

В случае непринятия мер по устранению нарушений или (в зависимости от ситуации) непредставления убедительных доказательств Samsung вправе по своему усмотрению приостановить или прекратить действие Пользовательского соглашения.

8.7. В случае выявления каких-либо фактов нарушения антикоррупционных положений, Samsung рекомендует обращаться напрямую к офицеру Compliance по электронному адресу: sece.compl@samsung.com для рассмотрения вопросов в области нарушений антикоррупционного законодательства и внутренних корпоративных правил. Данный запрос является конфиденциальным.

9. ПАЙДАЛАНУШЫ КЕЛІСІМІН ӨЗГЕРТУ ЖӘНЕ ОДАН БІРЖАҚТЫ БАС ТАРТУ

9.1. Кез келген Тарап басқа Тарапқа 15 (он бес) күнтізбелік күн бұрын алдын ала хабарлаумен біржақты тәртіппен Пайдаланушы келісімін орындаудан бас тартуға құқылы.

9.2. Осы Пайдаланушы келісімін Samsung біржақты тәртіппен өзгерте алады, бұл туралы Серіктес Интернет-ресурсында тиісті хабарлама жариялану арқылы немесе осы Шартта және/немесе Қосылу туралы өтініште көзделген басқа да тәсілмен өзгертулер күшіне енуіне 5 (бес) күнтізбелік күн бұрын ескертіледі. Серіктес Пайдаланушы келісіміне өзгертулерді уақытылы зерделеу үшін жауапты және Серіктес өзгертулер туралы білмеген деп сылтау етуге құқығы жоқ.

9.3. Егер Серіктес осы Пайдаланушы келісімінің өзгертулерімен келіспесе, Серіктес осы Пайдаланушы келісімінен біржақты тәртіппен бас тартуға құқылы.

10. ҚҰПИЯЛЫЛЫҚ

10.1. Тараптар Пайдаланушы келісімін орындауға байланысты бір-біріне беретін ақпарат қатаң құпиялы болып табылады және Пайдаланушы келісімінде қарастырылған жағдайлардан басқа, басқа Тараптың алдын ала жазбаша келісімісіз жариялана алмайды.

10.2. Қазақстан Республикасының заңнамасына сәйкес Тараптардан құпиялы болып есептелетін ақпаратты беруді талап етуге уәкілетті құзыретті мемлекеттік органдардың сауалдары бойынша осындай ақпаратты беру құпиялы ақпаратты жариялау болып табылмайды.

11. ҚОЛДАНЫЛАТЫН ҚҰҚЫҚ ЖӘНЕ ДАУЛАРДЫ ШЕШУ

11.1. Пайдаланушы келісімімен реттелмеген Тараптар арасындағы барлық қарым-қатынастарда Тараптар Қазақстан Республикасының заңнамасын басшылыққа алады.

11.2. Тараптар Пайдаланушы келісімін орындау үдерісінде туындайтын барлық даулар келіссөздер арқылы шешіледі деп келіседі.

11.3. Дау реттелмеген жағдайда Тараптар оны Қазақстан Республикасының заңнамасына сәйкес шешім шығару үшін Алматы қаласының мамандандырылған ауданаралық экономикалық сотына өткізуге келіседі.

11.4. Пайдаланушы келісімін орындауға байланысты даулар туындаған жағдайда корпоративтік пошта арқылы жүргізілген барлық хат алмасу қағаз нұсқасындағы құжаттарға тең дәрежелі, ол жеткілікті және шынайы дәлел болып табылады.