ვინ ქმნის Android-ის აპლიკაციებს და როგორ ჩამოვტვირთო ისინი

აპლიკაციებს პროგრამისტების სპეციალური გუნდი - დეველოპერები ქმნიან. ზოგი მათგანი კომპანიაზე მუშაობს, ზოგი კი დამოუკიდებლად. 

მათი ერთი ნაწილი - კომერციული დეველოპერები ყიდიან აპლიკაციებს ან მათში რეკლამებს ამატებენ. მეორე ნაწილი - ენთუზიასტები აპლიკაციებს უფასოდ ავრცელებენ.

თითქმის ყველა დეველოპერი ამატებს საკუთარ აპლიკაციას Play Store-ში - ეს არის სპეციალური კატალოგი (მაღაზია), რომელიც დაყენებულია Android ოპერაციული სისტემის მქონე ყველა სმარტფონსა და პლანშეტზე. Play Store ეკუთვნის Google-ს. ეს უკანასკნელი ამოწმებს აპლიკაციების უსაფრთხოებას და ალაგებს მათ კატეგორიების მიხედვით.

ამ კატალოგის დასათვალიერებლად და აპლიკაციის შენს მოწყობილობაზე დასაყენებლად უნდა დაუკავშირდე ინტერნეტს და დაარეგისტრირო Google-ის ანგარიში (უფასოა).