Samsung paltaryuyan maşınında H1, H2, HE, HE1, HE2, HC, HC1, HC2, E5, E6 xətaları
Son yeniləmə tarixi : 15-04-2024
Nə baş verib
40°C və ya daha yüksək yuma temperaturu seçərkən xəta görünür. Əgər daha aşağı temperatur seçilirsə, xəta görünmür.
Paltaryuyan maşının displeyində "H1", "H2", "HE", "HE1", "HE2", "HC", "HC1", "HC2", "E5" və ya "E6" xətası haqda mesaj yazılıb.
Qeyd:
Sadalanan xətaları "2H", "3H" və ya "4H" indikasiyası ilə qarışdırmayın — bu yumanın başa çatmasına qədər olan vaxtdır.
Bu haqda "Samsung paltaryuyan maşınının displeyində 2H, 3H və ya 4H mesaj" məqaləsində daha ətraflı oxuyun.
Displeysiz modellərdə bütün yuma rejimlərinin indikatorları + aşağı və yuxarıdan ikinci temperatur indikatoru
və ya bütün yuma rejimlərinin indikatorları və temperaturun iki mərkəzi indikatoru yanır
Xəta niyə yaranıb
Bir neçə səbəb ola bilər:
- Elektrik şəbəkəsinin qeyri-sabit gərginliyi;
- Maşın elektrik şəbəkəsinə səhv qoşulub;
- Yuma qızdırıcısı (BEQ) işləmir;
- Qurutma qızdırıcısı (BEQ) işləmir;
Nə etmək olar
1
Paltaryuyan maşının elektrik şəbəkəsinə qoşulmasını yoxlayın. Əgər Siz uzatma kabelindən və ya keçid qurğusundan istifadə edirsinizsə — paltaryuyan maşını birbaşa elektrik mənbəyinə qoşun.
2
Maşını işə salın və eyni yuma rejimini seçin (paltar və yuyucu toz olamadan da olar).
- Əgər xəta görünmürsə, hər şey qaydasındadır. Paltaryuyan maşından istifadə etməyə davam edə bilərsiniz. Çox güman ki, xəta elektrik şəbəkəsindəki qeyri-sabit gərginlik səbəbindən meydana çıxmışdı.
- Əgər xəta yenə görünürsə, texnikanın işinin diaqnostika edilməsi və təmiri üçün yaxınlıqdakı səlahiyyətli xidmət mərkəzinə müraciət edin.
Şərhiniz üçün təşəkkür edirik!
Bütün sualları cavablandırın.